دۂ بارݷ ازی
کارنامۂ
آزرۂ اۉ قۆم یا میللئت استۂ کی دۂ مېنکئلی دیگۂ اقوام رئقئم روقومی خاسی قۆمی خو رۂ نیگا کیدۂ۔ امزو نامای سال و ما ام دۂ زیبونی آزرگی از دیگۂ زیبۉنا فرق دیرۂ و آزرگۉ ایسابی سال و مای خورۂ دۂ رئقئمی بئدل شودۉنی فئسل مولگی ازاریستۉ میگرۂ۔ کېبلاغی آزرگی دۂ موتابیقی نامای ماآیی آزرگی و دۂ قودرت رئسیدۉنی شایۉنی کۉشانی جانتیری جور کیدۂ تا قۆمای آزرۂ سئنۂ و مای خورۂ دۂ رئقئمی خۉدون خو ایساب کینۂ۔ ای کار ۂ فئقئد تاریخی پور ایفتیخاری آزرۂ رۂ رۉش مونۂ بئلکی آزرۂ میتنۂ کی سال و مای خو رۂ دۂ رئقئمی خودۉن خو ایساب شی بیگرۂ۔
