دۂ بارݷ ازی کارنامۂ
آزرۂ او میللئت استۂ کی رئقئمی رئنگ اونگې شی اللی رئسم شی ام از رئسمای دیگۂ اقوام فئرق دیرۂ۔ لاکین از سایی آزرۂ سالای سال تای باری دیگرۉ زیندگی خو تېر کیدۂ امدۂ امزو رئسم شی ام دۂ شان شی بیخی اۉجگینۂ میماد۔ دۉستای کېبلاغی آزرگی دۂ ای تۉرۂ رئسیدۂ کی رئسمی آر قۉم یا میللئت سئفری دور دیرازی تاریخی خو تېر کیدۂ دۂ شئکلی الینې خو دئر مۉ رئسیدۂ۔ ازی خاتیر رئسمی اینسانی نئنگ نۂ بئلکی بئلدې شی جای ایفتیخار استۂ۔ بئلدې ازې کی میللئتی سئر بیلئندی آزرۂ بئلې رئسم خو ایفتیخار کئنۂ٬ کېبلاغ قئد مئشۉرې دیگۂ ایدارای آزرگی دۂ 24 فئروئری سالی 2019 ٬ 19 مݷ رۂ رۉزی رئسمی آزرۂ اېلان کئد کی دۂ ای سئری رۉز دۂ بئستۂ دونیا اولوسی آزرۂ ای رۉز رۂ دۂ توم و تئراق میگرۂ۔
